असारनिसे स्वला तक सडक विभाग मातहतय् च्वंगु लँ म्हुइ मदइगु जुगु दु। सडक विभागं छगु सूचं पिकया असार १ गतेनिसे भदौ मसान्ततक लँ म्हुइगु स्वीकृति मबिइगु व जबरजस्ती म्हुलकि कारबारी यायेगु चेतावनी बिउगु दु।

विभाग मातहतया संघीय सडक सुपरिवेक्षण नाप अनुगमन कार्यालयं सूचं जारी यासे वाः वइगु ई सुरु जुगुलि असार १ गतेनिसे भदौ मसान्ततक थीथी प्रयोजनं लँ म्हुइगु व थुने मदइगु जुगु दु।

स्वनिगः दुने लः, धः, मत, टेलिफोनलगायत मर्मतया लागि लँ म्हुया लँ स्यनिइगु जुगुलि व तत्काल मर्मत याये मफइगु जुगुलि थज्याउगु ज्या स्वला तक बन्द यायेगु कथं सूचं पिकाउगु खः।

यदि सडक डिभिजन कार्यालयया स्वीकृति मकास्ये लँ म्हुगु खनकि सार्वजनिक सडक ऐन २०३१ कथं कारबाही यायेगु अनुगमन कार्यालयं ख्याच्वः बिउगु दु।

Categorized in राष्ट्रिय