नेकपा एमालेया अध्यक्ष केपी शर्मा ओली व माओवादी केन्द्रया नेता नारायणकाजी श्रेष्ठ दथुइ बाम गठबन्धनया विषय छलफल जुगु दु।

म्हिगः आइतबाः बहनि ओलीयात नापलायेत श्रेष्ठं ओली निवास बालकोटय् वःगु खः। साढे २ घण्टा तक खँल्हावल्हा जुगु खः। निम्ह नेता दथुइ राष्ट्रियता, मुलुकया समग्र परिस्थिति, वाम आन्दोलन बारे छलफल जुगु खः।

‘राष्ट्रियताया बारे इतिहासय् खने मदुगु संकट वःगु देश गये याना बचे यायेगु बारे खँ जुगु’ धका श्रेष्ठ निकट छम्ह नेतां धाउगु दु, ‘एमसीसी संसद विघटन, पार्टी विभाजन लगायतबारे छलफल जुगु तर छु न विषय ठोस निष्कर्षय् मथ्यःगु दु।’

नेता श्रेष्ठं ओली नापलानागु पुष्टि याउगु दु।

Categorized in राजनीति