नेपाल सरकार शिक्षा विज्ञान तथा प्राविधिक मन्त्रालय पाठ्यक्रम विकास केन्द्रया महानिर्देशक अणप्रसाद न्यौपानेयात नापलाना गुगु व झिगू तगिमय् भाषानाप ऐच्छिक विषय कम्प्युटर, गणित चिइकेत माग याःगु दु।

उगु इलय् महानर्दिशक न्यौपानें थःगुपाखें अर्थात पाठ्यक्रम विकास केन्द्रपाखें भाषा जक दुथ्याका ब्यागलं कथंया पुचः दयेके फइमखु उकिया नितिं मन्त्रिपरिषद्ं हे निर्णय यायेमाः धकाः धयादीगु दु।

मंगलवाः नेवाः तय्गु राष्ट्रिय संगठन नेवाः देय् दबू व तामाङ तय्गु राष्ट्रिय संगवठन नेपाल तामाङ घेदुङया संयोजनय् महानिर्देशक न्यौपानेयात नापलागु खः। थ्व स्वया न्ह्यः शिक्षामन्त्री देवेन्द्र पौडेलयात न भाषाया विषयनाप ऐच्छिक विषय कम्प्युटर, गणित विषययात भाषानाप भाषा हे ऐच्छिक विषय तयेत ज्ञापनपौ लःल्हाःगु खः, महानिर्देशक नापलायेगु नितिं देय् दबू स्वनिगः विशेष प्रदेशया अध्यक्ष श्रीकृष्ण महर्जन, छ्याञ्जे हरिबहादुर श्रेष्ठ, ख्वप जिल्लाया अध्यक्ष नरेश नेवाः, छ्याञ्जे जीवनपति श्रेष्ठ, मध्यपुर थिमि नगर समितिया अध्यक्ष बाबुकाजि साछेँ श्रेष्ठ, नेवाः शिक्षा गुथिया कजि विष्णु चित्रकार, विद्या चित्रकार, नेवाः वस्ती नेवाः स्कूल अभियान अध्यक्ष दिपक तुलाधर, नेवाः जागरण मञ्चया नायः सुजीव बज्राचार्यलिसें नेपाल तामाङ घेदुङया उपमहासचिव जगत दोङ, छ्याञ्जे विना तामाङ नापं घेदुङया थीथी प्रतिनिधिपिं सहभागी जुयादीगु खः ।

Categorized in राष्ट्रिय