अमेरिकी डलरया भाः हाकन न्हुगु रेकर्ड तःगु दु। थौं शुक्रबाः असार ३१ गते (१५ जुलाई २०२२) य् डलर भाः न्हुगु रेकर्ड तःगु खः।

शुक्रबाःया लागि १ अमेरिकी डलर १२८ रुपैयाँ ११ पैसा थ्यःगु दु धका नेपाल राष्ट्र बैैंकं धागु दु। अथेहे खरिद भाः १२७ रुपैयाँ ५१ पैसा थ्यःगु दु।

अमेरिकी डलरया तुलनाय् भारतीय मुद्रा थप कमजोर जुगुलि उकिया प्रभाव नेपाली मुद्राय् न लागु दु। नेपाली व भारतीय मुद्राय् स्थिर विनिमय दर जुगु दु।

उकियाना भारतीय मुद्रा कमजोर जुइवं नेपाली मुद्रा न कमजोर जुगु दु। असार १६ य् १२६ रुपैयाँ ६६ पैसा थ्यःगु डलरया भाः २० असारय् १२६ रुपैयाँ ६३ पैसाय् कुहावंगु खः।

वया लिपा थहा कुहावना असार ३० गते १२७ रुपैयाँ ७२ पैसाय् कारोबार जुगु डलर न्हापागु पटक १२८ रुपैयाँ थ्यःगु दु।

Categorized in राष्ट्रिय