२०८० फाल्गुण १२, शनिबार

स्वतन्त्रसंसार महर्जन व शोभा महर्जनया खस् नेपाली म्युजिक भिडियो पिदन

लहनान्युज | दिल्लागा तृतीया ११४२, असार ३२ शनिवाः

स्वतन्त्रसंसार महर्जन न्हुगु म्युजिक भिडियो पिहावःगु दु।

संसार्स अनलाइन टेलिभिजनया निंतिं संसार क्रियशन्स नेपालपाखें निर्माण याःगु “नजाउ टाढा क्षितिजमा “बोलया  नेपाली म्युजिक भिडियोपाखें हाकनं खनदयेक वम्ह स्वतन्त्रसंसार या अभिनय यानादीगु म्ये किपूया सिनेप्लेक्सय् जूगु छगू ज्याझ्वःया दथुइ पितब्वज्या जुउगु दु । मलेशिया च्वनावया च्वंम्ह दिपक बिबश आँसुं च्वयादीगु थ्व म्येय् कल्पना श्रेष्ठं सः बियादीगु खः।

उगु म्युजिक भिडियो दुने स्वतन्त्र महर्जन व शोभा महर्जनया नापनापं संम्बत संसार महर्जनया न बाल कलाकारया रुपय् छगू रोल तयातःगु दु। म्युजिक भिडियो क्यामरा व सम्पादक सोहन मानन्धरं यानादीगु खःसा स्टिल फोटोग्राफी बिक्रम खड्गी, मेकअप जीवन पासा, हेयर ड्रेसर रबिन्द्र ठाकुर (छोटु) पिन्सं यानादीगु खः। म्येया संगीतकार मन्जु नकर्मी व संगीत संयोजन बुद्ध सायमीं यानादीगु खः।

गोदावरी नगरपालिकाया मेयर गजेन्द्र महर्जनया मूपाहाँसुइ जुउगु पितब्वज्या ज्याझ्वः संसार्स क्रियशनया हामा स्वतन्त्र संसार महर्जनया सभाध्यक्षताय् जुगु खः।

थ्वहे ज्याझ्वलय् संसार्स अनलाइन टेलिभिजनया निंतिं संसार क्रियशन्स नेपालपाखें हे निर्माण याःगु वेब सिरिज “सौभाग्य“या प्रोमोया नं पितब्वज्या जुगु खः। श्रावण ६ गते निसें क्यनेज्या न्ह्याइगु जुगु दु।

Categorized in मनोरन्जन