निर्वाचन आयोगं मेगु न्यागु जिल्लाय् न अनलाइनपाखे मतदाता नामावली फारम भरे यायेगु व्यवस्था मिले याउगु दु।

थौंनिसे चितवन, कास्की, मोरङ, काभ्रे व झापा जिल्लाय् अनलाइन मतादाता फाराम भरे यायेगु व्यवस्था मिले याउगु दु धका निर्वाचन आयोगं धाउगु दु।

थ्व स्वया न्ह्यः स्वनिगलय् वंगु असार २९ गते निसे अनलाइन फाराम भरे यायेगु व्यवस्था मिले याउगु खः। चितवन, कास्की, मोरङ, काभ्रे व झापाय् न व्यवस्था मिले यायेवं आः अनलाइनं मतदाता फारम भरे याइगु जिल्ला आः च्याःगु थ्यःगु दु।

अनलाइन फारम भरे याये धुका वःगु संकेत नम्बर, नागरिकता लगायतया परिचय पत्रनाप फोटो कायेत व ल्हाचिं तयेत सम्बन्धित जिल्ला निर्वाचन कार्यालय वनेमाः।

Categorized in राष्ट्रिय