भारतया १५ म्ह राष्ट्रपतिया रुपय् द्रौपदी मुर्मू न शपथ ग्रहण याउगु दु।

शपथ ग्रहणलिपा राष्ट्रया नामय् सम्बोधन यानादीसे मुर्मू न सोमबाः भारतं स्वतन्त्रता याउगु ७५ दँ जुगु इलय् थःम्हेसिया पदभार याये खंगुलि थःत तसक सम्मानित जगु तायकःगु दु धका धयादीगु खः।

स्वतन्त्र भारतय् जन्मे जुम्ह थः न्हापाम्ह राष्ट्रपति जुगु धका वयकलं जानकारी बियादीगु खः। संसदय् थःगु स्वीकृति भाषणय् मुर्मू न धयादीगु दु, “राष्ट्रपति पदय् थ्यःगु जिगु व्यक्तिगत उपलब्धि मखु, थ्व भारतया हरेक गरिबया उपलब्धि खः।

जिगु चुनाव भारतया गरिबपिनिगु म्हगसः जक मखु, उगु म्हगसः पूरा यायेफु धइगु प्रमाण खः।” धका धयादीगु खः।

Categorized in अन्तर्राष्ट्रिय