“झीगु सः“ व सुकुन्दा फिल्मस् मंकाः ग्वसालय् थ्वः हे वइगु भदौ ४ गते शनिवाः यलया ज्यापु प्रज्ञा भवनय् ख्यालि नखःया जानकारी बिउगु कथं छगू पत्रकार सम्मेलन याउगु दु।

उगु पत्रकार सम्मेलन झीगु सःया संरक्षक विजयरत्न असंबरें नेपाः धइगु संंकिपाया उदगम थाय् खः धका धयादीसे यलया च्यासलय् येँया वलय् क्यनिगु झ्याल्चा प्याखं हे संकिपाया दकले न्हापांगु रुप खः धका धयादीगु खः।

ज्याझ्वलय् झीगु सःया राजु राजदेव बज्राचार्यं छगू इलय् नेपाःया रंगमञ्च ख्यलय् नेवाः ख्यालः धालकि छगू बिस्कं हे थाय् काये धुंकूगु खँ न्ह्यथना दिल। तर आः वया रंगमञ्चय् ख्यालः क्यनेगुपाखे पलाः दिनाच्वंगु व थथे दिनाच्वंगु पलाःयात न्ह्याके फइला धकाः झीगु व सुकुन्दा फिल्मस् जानाः थुगुसी साःया नखः यायेत्यनागु खँ कनादिल।

थ्व ख्यालि नखः मुक्कं टिकट शो जुइ धका धयादीगु दु। उगु टिकट मियाः वइगु ध्यवाः संगीत ख्यलय् बिषित योगदान यानादीम्ह सुमन कपाली ग्वहालि यायेगु धका धयादीगु खः। ज्याझ्वलय् नेवाः पत्रकार राष्ट्रिय दबूया केन्द्रिय नायः सुरजबीर बज्राचार्य व यल महानगरपालिका वडा १६ या वडाध्यक्ष निर्मल रत्न शाक्य लगायतं नं साया नखःयात कया नुगःखँ तयादीगु खः।

Categorized in मनोरन्जन