२०७९ मङ्सिर २१, बुधबार

त्रिभुवन विमानस्थलं ५० ग्राम लुँनाप निम्हेसित प्रहरी ज्वन

लहनान्युज | गुंलाथ्व अष्टमी ११४२, साउन २० शुक्रवाः

प्रहरीं त्रिभुवन अन्तराष्ट्रिय विमानस्थलं ५० ग्राम लुँ नाप निम्हेसित ज्वःगु दु। सल्यान कालिमाटी गाउँपालिका–३ वतनया भूपेन्द्र घर्ती मगर व सिन्धुपाल्चोक ठूलोपखार गाउपालिका–८ वतनया भीमबहादुर तामाङयात प्रहरी ज्वःगु खः।

हिमालय एयरलाइन्सया विमानं दुबई न येँ वयाच्वपि निम्हेसित त्रिभुवन विमानस्थल सुरक्षा कार्यालयया विमानस्थल आगमन टनेल गेटं थौं शुक्रबाः ज्वःगु खः।

प्रहरीं भुपेन्द्रया नाप २५ ग्राम बराबरया छपाः अंगू व स्वगः आईफोन ७ प्लस नाप भीमबहादुरयाके २५ ग्राम लुँया छपाः अंगू व छगः आईफोन ८ प्लस नाप छगः आइफोन ७ प्लस बरामद याउगु खः।

निम्ह नाप बरामद सामान नाप माःगु अनुसन्धानया लागि त्रिभुवन अन्तर्राष्ट्रिय विमानस्थल भन्सार कार्यालय बुझे याउगु दु धका अन्तर्राष्ट्रिय विमानस्थल सुरक्षा कार्यालयं धाउगु दु।

Categorized in अपराध