शहीद गंगालाल राष्ट्रिय हृदय केन्द्रया विशेषज्ञ चिकित्सकपिनिगु उमेर हद थकायेगु निर्णयय् नेकपा एमालें विरोध याउगु दु।

आइतबाः संसदया शून्य समय न्ववासे एमाले सचिव तक जुयादीम्ह सांसद योगेश भट्टराई न उगु निर्णयया विरोध याउगु खः। संचालक समितिं ६० थकाया उमेर हद ६३ दँ याउगु खः।

थुकिया बारे भट्टराई न सरकारं चाहे जूसा ८० दँ न थ्यकेफू धका सचेत याउगु दु। संचालक समितिया छम्ह सदस्यया कथं अस्पतालया कार्डियोलोजिस्ट डा. रवि मल्ल २३ साउन गतेनिसे अवकास जुइवं प्रधानमन्त्रीपाखे आरजु राणां दबाब बिया उमेर हदया ई थकाउगु खः।

अस्पताल कर्मचारी संघं न संचालक समितिया उगु निर्णय छु चिकित्सकया शक्तिया भरय् याउगु धासे उगु निर्णय मभिंकूसा थौं आइतबाः निसे हडताल यायेगु चेतावनी तक बिउगु खः।

Categorized in राष्ट्रिय