येँया रामशाहपथय् च्वंगु न्याय परिषद सचिवालय थौं बिहीबाः तोडफोड याउगु दु।

गोरखाय् छेँ दुम्ह नुरप्रसाद अधिकारीं सचिवालयया कम्प्युटर व झ्याःया न्ह्याकं तोडफोड याना बिउगु दु धका सचिवालयया कर्मचारीं धाउगु दु। जिल्ला अदालत ललितपुरं अधिकारीयात उपस्थित जुइत म्याद जारी याउगु खः।

न्याय परिषदया प्रवक्ता मानबहादुर कार्कीय कथं  अधिकारी थःत म्याद जारी यायेत न्यायाधीशयाके कारबाहीया माग कया परिषदया सचिवालय वःगु खः।

परिषदया कर्मचारीं अथे कारबाही याये मज्यू धका धायेवं अथे तोडफोड याउगु खः।

Categorized in राष्ट्रिय