२०७९ आश्विन २०, बिहिबार

उपन्यासकार सलमान रुस्दीयात आक्रमण जूल

लहनान्युज | गुंलागा द्धितीया ११४२, साउन २८ शनिवाः

विश्व प्रसिद्ध उपन्यासकार सलमान रुस्दीयात आक्रमण याःगु दु। अमेरिकाया न्युयोर्कय् छगू ज्याझ्वलय् मञ्चय् च्वनाच्वम्ह रूस्दीयात छुरा प्रहार याःगु खः।

वयात गःपा व प्वाथय् छुरा क्यकूगु दु धका न्युयोर्क प्रहरीयात उद्धृत यासे समाचार संस्था एपीं धाउगु दु। रुस्दीयात हेलिकप्टरं तत्कालै न्ह्यने च्वंगू अस्पतालय् यकूगु खः।

वयात भेन्टिलेटरय् तया उपचार जूयाच्वंगु व न्ववाये मफूगु अवस्थाय् दू धका अस्पतालयात उद्धृतयासे बीबीसीं धाउगु दु। प्रहरीं आक्रमणकारी फेयरभ्यु, न्यु जर्सीया २४ दँ दुम्ह हादी माटरयात ज्वंगु दु। वयात घटनास्थलपाखे न्यूयोर्क प्रहरीं ज्वंगू खः।

आक्रमणया कारण स्पष्ट जूगु मदुनि धका राज्यया प्रहरी मेजर युजीन स्टानिस्जेस्की न धाःगू दु। भारतय् जन्मय्् जूम्ह उपन्यासकार रुस्दी सन् १९८१ य् प्रकाशित कृति ‘मिडनाइट चिल्ड्रेन’पाखे चर्चित जूगु खः। सन् १९८८ य् पिहावंगु ‘द सटानिक भर्सेस’ या कारण गुदँतक भूमिगत जुइमाःगु खः।

सफू पिहावंगु दँच्छि लिपा हे इरानया तत्कालीन सर्वोच्च नेता अयोतोल्लाह रूहोल्लाह खोमिनी न रूस्दीयाते हत्या यायेत आह्वान यासे वयागु छ्यं हःम्हेसित ३० लाख अमेरिकी डलर बिइगु धका धाःगू खः।

Categorized in अन्तर्राष्ट्रिय