२०७९ आश्विन २०, बिहिबार

सत्ता गठबन्धनया कार्यदलया बैठक थौं च्वनिइगु वइगु

लहनान्युज | गुंलागा चतुर्थी ११४२, साउन ३० मंगलवाः

निर्वाचनया लागि सिट बाँडफाँट यायेत सत्ता गठबन्धनया दलं गठन याःगू कार्यदलया बैठक थौं च्वनिइगु जुगु दु। बैठक थौं न्हिनसिया ४ बजे प्रधानमन्त्रीया निवास बालुवाटार च्वनेत्यःगु खः।

बैठकय् मंसिर ४ गते निर्धारित प्रदेश व प्रतिनिधि सभा सदस्य निर्वाचनया लागि गठबन्धन दल दथुइ सिट बाँडफाँटबारे छलफल यायेत्यःगु खः।

आइतबाः च्वंगु सत्ता गठबन्धनया शीर्ष नेतापिनिगु बैठकं सिट बाँडफाँट याकन हे क्वछिइत कार्यदलयात निर्देशन बिःगू खः।

२० साउनय् च्वंगू न्यागू दलीय गठबन्धनया शीर्ष नेतापिनिगु बैठकं प्रदेश व प्रतिनिधिसभा चुनावय् तालमेल यायेगु निर्णय यासे कार्यदल गठन याःगू खः।

११ म्ह सदस्यीय कार्यदलया संयोजक नेपाली कांग्रेसया पूर्वमहामन्त्री कृष्णप्रसाद सिटौला खः।

Categorized in राजनीति