काठमाडौं दरबार स्क्वायर पर्यटन प्रर्वद्धन संघया अध्यक्षय् शैलेन्द्रमान वज्राचार्य निर्वाचित जूगु दु।

संघं म्हिगः सोमबाः वसन्तपुरय् छगु ज्याझ्वः दथुइ न्हुधाः जुगु खः । समितिया महासचिवय् पुरुषोत्तम डंगोल व कोषाध्यक्षय् सञ्जयमान श्रेष्ठ च्वनादीगु खः।

अथेहे कार्यसमिति सदस्यय् दिनेश सुवाल, किरण श्रेष्ठ, चिरनरत्न शाक्य, डिल्लीरत्न तुलाधर, मसिन मुलेपति व अभिनवदास श्रेष्ठ निर्वाचित जुगु दु।

हनुमानध्वाकाया दरबार क्षेत्रय् संस्कृति, सम्पदाया संरक्षण व प्रवद्र्धन यायेगु निति ग्वाहालि यायेगु कथं संघ २०६२ सालय् स्थापना याःगु खः।

Categorized in राष्ट्रिय