२०८० चैत्र १६, शुक्रबार

केन्या क्रिकेट कासापिनिगु भिसा वल

लहनान्युज | गुंलागा द्धादशी ११४२, भाद्र ८ बुधवाः

न्हापागु चरणय् केन्या म्हितेगु लागि भिसा मवःपि क्रिकेट कासापिनिगु व अफिसियलया भिसा वंगु दु।

मैत्रीपूर्ण कासाया लागि केन्या वनेगु टोलीपि १६ म्ह व न्याम्ह अफिसियल याना २१ म्ह मध्ये न्हापागु चरणय् ११ म्ह कासामि व १४ म्हेसिगु जक भिसा वःगु खः।

उपि सोमबाः चान्ह्यः हे केन्या वंगु खः। म्यानेजर सुनिल महासेठ व कासामि सोमपाल कामी व विवेक यादवे मंगलबाः चान्ह्यः भिसा वंगु दु।

मेपि कासामिपि बसिर अहमद, शाहब आलम व आदिल आलम, ट्रेनर अब्दुल सत्तारया भिसा बुधबाः चान्ह्य वःगु दु धका नेपाल क्रिकेट संघ (क्यान)या सचिवं धाःगु दु।

न्हापागु पटक अफ्रिकी देश केन्या भ्रमणय् वनेत्यःपि नेपालं बिहीबाः राजधानी नैरोबीया जिमखान ग्राउण्डय् केन्या नाप न्हापागु टी–२० अन्तर्राष्ट्रिय म्हितीइ।

नेपालं केन्या भ्रमणय् न्याःगु टी–२० अन्तर्राष्ट्रिय व स्वंगु एकदिवसीय कासा म्हितीइ।

Categorized in कासा