थौं शुक्रबाः नेप्से परिसूचक १४ अंक न घटे जूगु दु। म्हिगः बिहीबाःया तुलनाय् थौं नेप्से ०.७३ प्रतिशत घटे जूया १९१०.३८ विन्दुइ बन्द जूगु दु म्हिगः नेप्से ५७ अंक घटे जुगु खः।

२२० धितोपत्रय् २९ लाख १६ हजार २७१ कित्ता सेयर ९० करोड ८१ लाख रुपैयाँया खरिदबिक्री जुगु दु। थौं कारोबार जूगु २२० धितोपत्रमध्ये नबिल ब्यालेन्स फण्ड–२ या भाः ७.८७ प्रतिशतं घटे जूगु दु।

अथेहे बुद्धभूमि नेपाल हाइड्रोपावर कम्पनी लिमिटेडया सेयर भाः ६ प्रतिशत घटे जुगु खः। थौं दकलय् अप्पो सेयर खरिद–बिक्री रिडी पावर कम्पनी लिमिटेडया जुगु दु। थुगु कम्पनीया ४ करोड २३ करोड रुपैयाँया सेयर खरिद–बिक्री जूगु खः। थौं कारोबार जूगु १३ गु समूहमध्ये म्युचुअल फण्ड समूहया परिसूचक थहावंगु दु सा ल्यदनिइगु समूहया परिसूचक घटे जूगु दु।

म्युचुअल फण्ड समूहया परिसूचक ०.०७ प्रतिशत थहावंगु दु। दकलय् अप्पो परिसूचक घटे जुगुलि वित्त समूह जुगु दु। थुगु समूहय् परिसूचक १.३६ प्रतिशतं घटे जुगु खः।

Categorized in राष्ट्रिय