संस्कृति पर्यटन व नागरिक उडड्यनमन्त्री जीनवराम श्रेष्ठं जात्रा पर्व, धर्म संस्कृति राज्यया सम्पत्ति खः थुकियात संरक्षण यायेगु झीगु दायित्व खः धका धयादीगु दु।

न्यतय् श्वेतकाली द्यः छेँ उलेज्या यायेगु झ्वलय् मन्त्री श्रेष्ठं धयादीगु दु कला संस्कृतिया संरक्षण मजुतलय् देय्या आर्थिक रुपान्तरण जुइ मखु धासें देय् विकासया मू आधार हे पर्यटन खः।अथे जुगुलि पर्यटनयात नाप स्वाःगु सम्पदाया संरक्षण यायेमाःगु आवश्यकता खः धका धयादीगु खः।

ज्याझ्वलय् येँ महानगरपालिया प्रमुख बालेन्द्र साह, उपप्रमुख सुनिता डगोल, पुरातत्व विभागया प्रमुख दामोदर गौतम, येँ मनपा १८ वडाध्यक्ष न्हूछेँ काजी महर्जनपिनिगु न उपस्थिति दुगु खः।

Categorized in राष्ट्रिय