डेंगू संक्रमणं २१ म्ह सी धुकुगु दु धका इपिडिमियोलोजी नाप रोग नियन्त्रण महाशाखां धाःगु दु। आःतकया तथ्यां कथं असोज ३ गतेतक संक्रमित जूपि १७ हजार ४९४ म्ह थ्यःगु दु।

आःतकया तथ्यांक कथं दकलय् अप्पो ४ हजार ८७८ म्हेसित संक्रमण पुष्टि जुइ धकुगु दु सा येँ ४ हजार ६७४, ख्वपय् ७१३ म्ह याना स्वनिगः दुने डेंगू संक्रमित जूपि १० हजार २६५ म्ह थ्यःगु दु।

अथेहे, मकवानपुरय् दकलय् अप्पो १ हजार ६१० म्हेसित संक्रमण जुगु दु। दाङय् १ हजार १४९, रुपन्देहीइ ६७९, चितवनय् ४२९, गुल्मीइ २९२, दार्चुलाय् १९२ व काभ्रेय् १५६ म्हेसित संक्रमण पुष्टि जुइ धुकुगु दु।

मेमेगु जिल्लाय् संक्रमित जूपिनिगु ल्याः १०० म्ह स्वया म्हो जुगु धका महाशाखाया तथ्यांकं धाःगु दु।

Categorized in राष्ट्रिय