नेकपा एमालेया उपाध्यक्ष अष्टलक्ष्मी शाक्यं पार्टीया टिकट अस्वीकार याःगु दु।

अध्यक्ष केपी शर्मा ओलीयात थौं शनिबाः टेलिफोन यासे विकल्प मालेत इनाप याःगु दु।

वयकलं उम्मेदवारया  आकांक्षा तक यानादीगु मदु। ‘छम्ह हे मनूखं गुलि चुनाव ल्वायेगु, ग्वकः तक मन्त्री व प्रधानमन्त्री जुइगु ?’ वयकल धयादीगु दु, ‘जनता दिक्क जुइ धुकुगु दु।

आः न्हुपिन्त अवसर बिइमाः, अवसर मदुपिन्त अवसर बिइगु बालाइ।’ टिकट वितरण यायेगु अधिकार ओलीयात बिइगु निर्णय बिइगु सचिवालय बैठक लिपा उपाध्यक्ष शाक्यं थः चुनाव मल्वायेगु धका धयादीगु खः।

Categorized in राजनीति