प्रधानमन्त्री शेरबहादुर देउवां जनता समाजवादी पार्टी (जसपा)या मन्त्रीपि हटे यायेगु तयारी याःगु दु। थुकिया लागि कांग्रेस सभापति नाप प्रधानमन्त्री देउवां न्हिनय् सत्तारुढ गठबन्धनय् आवद्ध दलया नेतापिन्त नापलाइगु जुगु दु।

गठबन्धनय् आवद्ध दलया नेतापिन्स न जसपाया मन्त्रीपिन्त हटे यायेमाः धका धयावयच्वंगु दु। सत्ता गठबन्धनय् दुगु जसपां वइगु चुनावया लागि १४ जिल्लाय् एमालेनाप तालमेल याइगु जगु दु।

जसपापाखे संघीय मामिला नाप सामान्य प्रशासनमन्त्री राजेन्द्र श्रेष्ठ, भौतिक पूर्वाधारमन्त्री मोहम्मद इस्तियाक राई, वन नाप वातावरणमन्त्री प्रदीप यादव व कृषि नाप पशुपक्षी मन्त्री मृगेन्द्रकुमार सिंहपि खः।

प्रधानमन्त्रीं मन्त्री हटे याःसा न्हुपि नियुक्त याये दइ मखु। निर्वाचन आयोगया अधिकारीपिन्स न्हुपि मन्त्री नियुक्ति आचारसंहिता विपरीत जुइ धका धाःगु दु।

Categorized in राजनीति