शताब्दीपुरुष जोशीया स्वास्थ्य अवस्था स्थिर जूसा चिन्ताजनक खनेदु
लहनान्युज | कौलागा षष्ठी ११४२, असोज २९ शनिवाः
वाङ्मय शताब्दीपुरुष सत्योहन जोशीया स्वास्थ्य अवस्था स्थिर जूगु दु ।
वंगु २३ दिंनिसे यलया किष्ट अस्पतालय् उपचारया ना वयाच्वंम्ह वयकःया स्वास्थ्य अवस्था स्थिर दु धका अस्पतालं छगु विज्ञप्ति जारीयासे जानकारी बिःगु दु। “म्हिगःनिसे थौंतक स्वास्थ्यय् खासै सुधार मजुगु व वयकःया स्वास्थ्य स्थिति स्थिर हे दु।
नाप छातीइ निमोनियाया संक्रमण व युरिन इनफेक्सन नियन्त्रणया लागि बियातःगु एन्टिबायोटिक्स कोर्स न जारी दु,” अस्पतालं जारी याःगु विज्ञप्तिइ उल्लेख याःगु दु।
चिकित्सकपिनिगु निगरानीइ तयातःगु सघन उपचार कक्षय् उपचार जुयाच्वंगु दु धका धासे अस्पतालं जोशीया अवस्था स्थिर दु सा चिन्ताजनक हे दु। डेंगू संक्रमण जूया वयकः उपचारया लागि अस्पताल भर्ना जूयादीगु खः। निमोनिया व छाती न समस्या खनेदया च्वंगु दु।
