शेयरबजाः परिसूचक नेप्से थौं आइतवाः ९ दशमलव ६९ अंकं घटे जुया १ हजार ८ सय ६० दशमलव ९४ विन्दुइ थ्यःगु दु।

थौं बैंकिङ व उत्पादनबाहेक मेगु दक्को समूहया शेयर कुहावःगु दु सा विकास बैंक, बीमा व माइक्रोफाइनान्स समूहया शेयर तसकं कुहावःगु दु।

नेप्से सूचक घटे जुगुलि २ सय २१ गु कम्पनीया २५ लाख ७४ हजार कित्ता शेयर ८० करोड ३५ लाख रुपैयाँ न कारोबार जूगु दु।

दकलय् अप्पो एभरेस्ट बैंकया ८ करोड ४७ लाख रुपैयाँया शेयर किनबेच जूगु दु। थौं पिपुल्स पावर कम्पनीया शेयर १० प्रतिशत व सिटिजन्स बैंकया शेयर ७ प्रतिशतं घटे जुगु दु।

समग्र बजाः घटे जूसा अभियान लघुवित्तया शेयर १० प्रतिशत व स्टान्डर्ड चार्टर्ड बैंक शेयर ७ प्रतिशत स्वया अप्पो थहावःगु दु।

Categorized in राष्ट्रिय