येँ महानगरपालिकां २८ क्वःगु महानगर दिवसया लसताय् न्याम्ह पत्रकारपिन्त सुशासन पत्रकारिता पुरस्कार लःल्हागु दु।

सहरी विकास मन्त्री मेटमणि चौधरीया मूपाहाँसूइ बसन्तपुरय् छगुु तःजिक ज्याझ्वः जूगु दु। न्हापा झीम्ह पत्रकारपिन्त सिरपाः लल्हानाच्वंगु उगु सिरपाः थुगु दँय् न्याम्ह पत्रकारपिन्त महानगर सुशासन पत्रकारिता पुरस्कार लःल्हागु दु।

मेरो साप्ताहिक पत्रिकाया रत्नकाजी महर्जन, कान्तिपुर हटलाईनया श्रीजन झा, आर्थिक दैनिकया प्रल्हाद रिजाल, गोरखापत्र दैनिकया भउज प्रसाद यादव व ईकान्तिपुरया रीना मोक्तानपिन्त छगु ज्याझ्वः दथुइ महानगर प्रमुख बालेन्द्र साह न सम्मान याःगु खः। महानगर प्रमुख साह न न्यद्धः नाप हनापौं लःल्हागु खः।

उगु ज्याझ्वलय् महानगरं प्रकाशित याःगु महानगर बुलेटिन महानगर प्रमुख बालेन्द्र साह, उपप्रमुख सुनिता डंगोल, यल महानगर प्रमुख चिरिबाबु महर्जन लगायतपिन्स पितब्बज्या याःगु खः।

Categorized in राष्ट्रिय