२०८० चैत्र १५, बिहिबार

जसपां संसदीय दलया नेता कन्ह्यः ल्यइगु

लहनान्युज | पोहेलाथ्व चौथी ११४३, पुस १२ मंगलवाः

जनता समाजवादी पार्टी (जसपा) न संसदीय दलया नेता ल्ययेगु निति निर्वाचन तालिका सार्वजनिक याःगु दु। निर्वाचन कार्यतालिया कथं कन्ह्यः बुधबाः सुथय् ११ बजे निसे १२ बजेतक मनोनयन दर्ता याइगु जुगु दु।

अथहे १२ बजेनिसे न्हिनय् १२ः३० बजेतक उम्मेदवारया नां प्रकाशन, १२ः३० बजेनिसे १ः३० बजेतक नां लितकायेगु, १ः३० बजेनिसे न्हिनसिया २ बजेतक दावी विरोध यायेगु व न्हिनसिया २ बजेनिसे २ः३० बजेतक उम्मेदवारपिनिगु लिपागु नां प्रकाशन याइगु दु।

वयालिपा २ः३० बजेनिसे ३ः३० तक मतदान जुइगु व ३ः३० बजेलिपा मतदानया लिच्वः सार्वजनिक याइगु ज्याझ्वः दु धका जसपा संसदीय दलया कार्यालयं धाःगु दु।

Categorized in राजनीति