नेपाःया लागि चिनियाँ राजदूत छेन् सोङ्गं प्रधानमन्त्री पुष्पकमल दाहाल प्रचण्डयात नापलाःगु दु। सोमबाः सुथय् सिंहदरबारस्थित प्रधानमन्त्री कार्यालयय् वना नापलाःगु खः।

थौं जुगु खँल्हाबल्हाय् नेपाः व चीन दथुइ जुयाच्वःगु निगु पक्षीय सम्बन्ध व ग्वाहालि अझ क्वातुकेगु बारे खँ जुगु दु धका प्रधानमन्त्री कार्यालयं धाःगु दु।

राजदूत सोङ्गं प्रधानमन्त्री प्रचण्डयात चिनियाँ राष्ट्रपति, उपराष्ट्रपति व प्रधानमन्त्रीपाखे भिंतुना नाप न्हुगु दँया भिंतुना सन्देश न लःल्हागु दु।

प्रधानमन्त्री प्रचण्डं चिनियाँ ग्वाहालि, सद्भाव व भातृत्वया भिंतुना बियादीसे थःगुपाखे राष्ट्रपति सिचिन फिङ व प्रधानमन्त्रीया कार्यकाल सुथालाक्क न्ह्याय् फयेमा धका भिंतुना बियादीगु खः।

Categorized in राष्ट्रिय