केन्द्रीय मानन्धर संघं थःगु ७०क्वःगु स्थापना दिवस हंगु दु ।

न्यूरोडस्थित पाक्व पुखुद्यां मानन्धर सनाः खलःया गुथि छेँय् संघका संस्थापक देवीदास मानन्धरउात लुमंकुसें स्थापना दिवसया ज्याझ्वः याःगु खः ।

ज्याझ्वलय् प्रबुद्ध व्यक्तिया रूपं संघं सम्मान ब्यूपिंमध्ये दक्षिण एशियाली खेलकुद अन्तर्गतया ब्वाज्या कासाय् नेपालया लुँया पदक ब्यूम्ह बैकुण्ठ मानन्धर, ललितकला क्याम्पसया पूर्व कुलपति किरण मानन्धर, बौद्ध धर्मया अध्येता ई. गुहेश्वरी राज मानन्धर, शिक्षासेवी वसन्त कुमार मानन्धर, समाजसेवी पञ्चकुमारी मानन्धरलिसें पुलांगु कार्यसमितिया पदाधिकारी व दुजःपिनि ब्वति दुगु खः ।

केन्द्रीय मानन्धर संघया सभापति वीरगन्ज पर्साैनीयाम्ह मनोज कुमार मानन्धरया सभापतित्वय् जूगु ज्याझ्वलय् उपसभापति बद्रीनारायण मानन्धरं थःगु लसकुस न्वचुया झ्वलय् २०७९ माघ २४ व २५ गते जुइत्यंगु ईहि मुना ज्याझ्वलय् इहि याय्मानिपिं मिसामचातय्त सहभागी याकेत इनाप यानादिल ।

Categorized in राष्ट्रिय