नागरिक उन्मुक्ति पार्टी न सुदूरपश्चिम प्रदेशय् मुख्यमन्त्रीयात विश्वासया मत बिइ फइमखु धका धाःगु दु।

नागरिक उन्मुक्तिया समर्थनय् एमालेया राजेन्द्र रावल पुस २७ गते मुख्यमन्त्री जूगु खः। रावलं लच्छिया दुने विश्वासया मत कायेमाःगु खः।

तर नागरिक उन्मुक्तिया समर्थन याइगु व मयाइगु जुगलि आःतक विश्वासया मत काःगु मदुनि। रावलं शीर्ष तहपाखे हे सहमति यायेगु स्वया च्वंगु दु।

तर नागरिक उन्मुक्ति पार्टीया अध्यक्ष रञ्जिता श्रेष्ठं धाःसा सुदूरपश्चिम प्रदेश सरकारयात विश्वासको मत बिइ फइमखु धका धाःगु दु।

Categorized in राजनीति