लुम्बिनीइ राष्ट्रियसभा सदस्यया उपनिर्वाचन मतदान सुरु जूगु दु।

दाङया घोराहीस्थित कर्मचारी मिलन केन्द्रय् सुथय् १० बजेनिसे मतदान सुरु जूगु खः।

न्हापां मतदान लुम्बिनी प्रदेश सभा सदस्य नाप मन्त्री चेतनारायण आचार्यं याःगु खः। राष्ट्रियसभा सदस्यया लागि उपनिर्वाचनय् स्वम्हेसिया उम्मेदवारी बिःगु खः।

सत्तारुढ दल नेकपा एमालेपाखे कुमार दसौंदी, नेपाली कांग्रेसया माधवप्रसाद आचार्य व नागरिक उन्मुक्ति पार्टीपाखे राजेन्द्रवीर राय उम्मेदवार जूगु खः।

नेकपा एमालेपाखे राष्ट्रियसभा सदस्यय् निर्वाचित रुपन्देहीया खिमलाल भट्टराई न राजीनामा बिःगु खः।

Categorized in राष्ट्रिय