ग्याँस सिलिण्डर मुयां नेपाली कांग्रेसया नेता नाप सांसद चन्द्र भण्डारी व भण्डारीया मां ८६ दँ दुम्ह घाःपाः जूगु दु।

येँया बुद्धनगरय् भण्डारीया थःगु हे निवासय् वःगु चान्ह्यः ग्याँस सिलिण्डर विस्फोट जुगु खः। वःगु चान्ह्यः जा नाया द्यनाच्वंगु इलय् सिलिण्डर विस्फोट जुया भण्डारी व भण्डारीया मां घाःपाः जुगु खः।

निम्ह आः कीर्तिपुर अस्पतालय् उपचार यानाच्वंगु। वःगु चान्ह्यः हे कीर्तिपुर अस्पतालय् वना नेपाली कांग्रेसया महामन्त्री विश्वप्रकाश शर्मा नापलावंगु खः। नापलाये धुका स्वास्थ्य अवस्था गम्भीर दु धका सामाजिक संजालय् च्वःगु दु। चन्द्र भण्डारीया म्हय् करिब २५ प्रतिशत व भण्डारीया मां म्हय् करिब ७० प्रतिशत भाग असर जुगु धका भण्डारीया सचिवालयं धाःगु दु।

Categorized in राष्ट्रिय