प्रधानमन्त्री पुष्पकमल दाहाल प्रचण्डं नेपाल विश्वकप क्रिकेट छनोटय् थ्यःगु लसताये भिंतुना बिःगु दु।

बिहीबाः आईसीसी क्रिकेट विश्वकप लिग टु अन्तर्गत त्रिवि क्रिकेट मैदानय् जूगु कासाय् युएईयात डीएल मेथडय् ९ रनं बूका नेपाः विश्वकप छनोट चरणय् थ्यःगु खः।

कासा क्वचाःगु छु ई लिपा हे ट्विटरपाखे प्रचण्डं लसता प्वकूसे कासामिपिन्त भिंतुना बिःगु दु।

‘लिगया कासाय् बालाक्क म्हिता बालागु प्रदर्शन यासे नेपाःया स्वाभिमान व गौरव जुइगु कथं म्हितिगुलि नेपाली क्रिकेट टिम, प्रशिक्षक, क्यानलगायत झी सकसित भिंतुना !’ प्रचण्डं च्वंगु दु।

Categorized in राष्ट्रिय