स्वतन्त्र विद्यार्थी युनियन (स्ववियु) या निर्वाचन जुइत्यःगु दु। मतदान थौं सुथय् ८ बजेनिसे ४ बजेतक जुइत्यःगु दु। निर्वाचनयात लक्षितयासे क्याम्पस क्षेत्रय् सुरक्षा व्यवस्था कडा याःगु दु।

अध्यक्ष, सचिव व कोषाध्यक्ष नाप ५० प्रतिशत सदस्य प्रत्यक्ष निर्वाचन प्रणालीपाखे निर्वाचित जुइ। अथेहे उपाध्यक्ष, सहसचिव व ५० प्रतिशत सदस्य धासा समानुपातिक प्रणालीपाखे ल्यइ।

त्रिविया ६२ आंगिक व १ हजार ४० सम्बन्धन दुगु क्याम्पसय् स्ववियु निर्वाचन जुइ । निदँ छकः जुइमाःगु स्ववियु निर्वाचन २०६५ साललिपा जुगु मदुनि। २०७३ चैतय् स्ववियुया निर्वाचन जूगु खःसा दक्को क्याम्पसय् जुइमफुगु खः।

Categorized in राष्ट्रिय