२०८० चैत्र १६, शुक्रबार

प्रधानमन्त्री प्रचण्डं विश्वासया पक्षय् २६२

लहनान्युज | चिल्लागा चतुर्दशी ११४३, चैत्र ६ सोमवाः

प्रधानमन्त्री पुष्पकमल दाहाल प्रचण्डं प्रतिनिधिसभाय् विश्वासया मत कायेत ताः लाःगु दु।

थौं सोमबाः प्रधानमन्त्रीं थःत प्रतिनिधिसभाय् विश्वास दु धका तःगु प्रस्तावया पक्षय् १७२ सांसदपिन्स समर्थन याःगु खः। ८९ म्ह सांसदपिन्स उगु प्रस्तावया विपक्षय् मत बिःगु खः। छम्हेसिया धाःसा मत मबिःगु खः।

मतदानय् २६२ म्ह सांसदपिन्स ब्बति काःगु खः। पुस १० गते नेकपा एमालेया समर्थनय् प्रधानमन्त्री जुम्ह पुस २६ गते विश्वासया मत काःगु खः। प्रधानमन्त्री प्रचण्डं राष्ट्रपति निर्वाचनय् नेपाली कांग्रेसनाप गठबन्धन यायेवं एमाले व राप्रपां समर्थन लितकाःगु खः।

सोमबाः प्रतिनिधिसभाय् प्रधानमन्त्रीयात नेपाली कांग्रेस, नेकपा माओवादी केन्द्र, जनता समाजवादी पार्टी, नेकपा एकीकृत समाजवादी, जनमत पार्टी, लोकतान्त्रिक समाजवादी पार्टी, नागरिक उन्मुक्ति पार्टी, राष्ट्रिय जनमोर्चाया सांसद व स्वतन्त्र सांसदपि प्रभु साह, अमरेशकुमार सिंहपिन्स विश्वासया मत बिःगु खः।

नेकपा एमाले, राप्रपा व नेपाल मजदुर किसान पार्टीया सांसदपिन्स प्रधानमन्त्रीयात विश्वासया मत बिःगुलि विपक्षय् मतदान याःगु खः।

Categorized in राष्ट्रिय