संचार नाप सूचना प्रविधिमन्त्री रेखा शर्मा भारत भ्रमणय् वःगु दु। मन्त्री शर्मा बुधबाः व बिहीबाः न्हुगु दिल्लीइ जुइगु थीथी ज्याझ्वलय् ब्बति कायेगु निति मंगलबाः बहनि भारत वंगु खः।

मन्त्री शर्मा बुधबाः अन्तर्राष्ट्रिय दूरसञ्चार संघ (आइटीयू) या क्षेत्रीय कार्यालय उलेज्याझ्वलय् ब्बति कायेगु निति उखे वंगु खः।

न्हुगु दिल्लीइ स्थापना जुइत्यःगु आइटियू एशिया प्रशान्त क्षेत्रीय कार्यालय भारतीय प्रधानमन्त्री नरेन्द्र मोदीं उलेज्या याइगु ज्याझ्वः दुगुलि थीथी देय्या सन्चारमन्त्रीपिन्त ब्बंगु खः।

मन्त्री शर्माया नापं नेपाल दूरसन्चार प्राधिकरणया अध्यक्ष पुरुषोत्तमप्रसाद खनाल, मन्त्रालयया सहसचिव गौरव गिरी, मन्त्री शर्माया स्वकीय सचिव हेमराज शर्मा पोख्रेल, नेपाल टेलिकमया प्रबन्धक बिमल आचार्य भारत भ्रमणय् वःगु खः।

Categorized in राष्ट्रिय