सगरमाथा जलविद्युत कम्पनी लिमिटेडया धितोपत्र प्रारम्भिक सार्वजनिक निष्कासन सगरमाथा जलविद्युत कम्पनी लिमिटेडं धितोपत्रया प्रारम्भिक सार्वजनिक निष्कासन (आईपीओ) बिक्री खुल्ला याःगु दु।

कम्पनीं चैत्र ८ बुधबाःनिसे सर्वसाधारणया लागि आईपीओ बिक्री खुल्ला याःगु दु। कम्पनीं नेपाल धितोपत्र बोर्डं प्रतिकित्ता १०० रुपैयाँ अंकित भाः जारी पुँजी १ अर्ब १२ करोड रुपैयाँ न ४९ प्रतिशत जुइथु कथं हुन ५४ करोड ८८ लाख रुपैयाँ बराबरया ५४ लाख ८८ हजार कित्ता साधारण सेयर सार्वजनिक निष्कासन यायेगु अनुमति बिःगु खः।

उगु मध्ये जारी पुँजीे १० प्रतिशतं जुइगु कथं ११ करोड २० लाख रुपैयाँ बराबरया ११ लाख २० हजार कित्ता सेयर आयोजना प्रभावित क्षेत्रया स्थानीयपिन्त निष्कासन याना बाँडफाँट याये धुकुगु खः। सर्वसाधारणया लागि जारी पुँजीया ३९ प्रतिशत जुइगु कथं ४३ करोड ६८ लाख रुपैयाँ बराबरया ४३ लाख ६८ हजार कित्ता सेयरमध्ये १० प्रतिशत जुइगु कथं ४ लाख ३६ हजार ८०० कित्ता साधारण सेयर नेपाल सरकारया सम्बन्धित निकायपाखे श्रम स्वीकृतीदुपि विदेशय् रोजगार यानाच्वंपि नेपाःमिपिन्त निष्कासन याना बाँडफाँट याये धुकुगु खः।

अथेहे ५ प्रतिशत अर्थात २ लाख १८ हजार ४०० कित्ता सामूहिक लगानी कोषया लागि व ३ प्रतिशत अर्थात १ लाख ३१ हजार ४० कित्ता सेयर कम्पनीया कर्मचारीपिन्त सुरक्षित याःगु खः। सर्वसाधारणं ल्यःदुगु ३५ लाख ८१ हजार ७६० कित्ताया सेयर लागि आवेदन बिइ फइगु जुगु दु। कम्पनीया आईपीआ याकन चैत्र १२ गते व उगु इलय् न माग कथं आवेदन मवसा चैत्र २२ तक थप जुइ धका कम्पनीं धाःगु दु।

उगु आईपीओ न्यूनतम १० कित्ता निसे अधिकतम १० हजार कित्ताया लागि आवेदन बिइफइ। कम्पनीं आईपीओे निष्कासनया लागि धितोपत्र निष्कासन व बिक्री प्रबन्धकय् प्रभु क्यापिटल लिमिटेडयात ल्यःगु खः।

Categorized in राष्ट्रिय