पोर्चुगलया क्रिस्टियानो रोनाल्डों अन्तर्राष्ट्रिय फुटबल दकलय् अप्पो म्हितूगु न्हुगु कीर्तिमान तःगु दु।

राष्ट्रिय टिमया लागि १९७ गु कासा म्हितूगु कीर्तिमान तःगुलि रोनाल्डों निगु गोल न याःगु दु। उगु कासा पोर्चुगलं युरो २०२४ या छनोटय् न्हापागु कासा लिचेस्टाइनयात ४–० गोलं पराजित याःगु खः।

३८ दँया फरवार्ड रोनाल्डाें पोर्चुगलया लागि १२० गोल याये धुकुगु दु। सन् २००३ य् पोर्चुगलया राष्ट्रिय टिमय् डेब्यु याःगु खः।

रोनाल्डों वगु कतार विश्वकपय् गोलयासे लगातार न्यागु विश्वकपय् गोल याम्ह कासामिया कीर्तिमान तःगु खः।

Categorized in कासा