अर्थशास्त्री स्वर्णिम वाग्लें नेपाली कांग्रेस त्वःतूगु घोषणा याःगु दु। बिहीबाः न्हिनय् थःगु फेसबुकपाखे ५० दँनिसे थःगु पारिवारिक विरासतनाप स्वागु कांग्रेसपाखे अलग जुइगु घोषणा यानागु दु।

स्वर्णिमं आः वैकल्पिक लोकतान्त्रिक शक्ति निर्माण यायोःगु धका धयादीसे २०८० सालया सुरुवातनाप न्हुगु सार्वजनिक भूमिकाय् खनिइ धका धाःगु दु। ‘आः कांग्रेस–कम्युनिष्टया बाःलापि, दलय् आवद्ध मजुपि स्वतन्त्रता व समुन्नतिया हिमायती, कुलीन राजनीतिया स्वया पिने च्वनाच्वपि नाप विदेशय् च्वना नेपाःया भिं चितामिपि मिलेजुया वैकल्पिक लोकतान्त्रिक शक्तिया निर्माण यायेमाः’ स्वर्णिमं च्वंगु दु, ‘सुशासनया जगय् स्वच्छ लोकतन्त्र व आर्थिक उन्नतिया एजेण्डा ज्वना २०८० या सुरुवातय् हे न्हुगु सार्वजनिक भूमिकाय् सक्रिय जुइ।’ वाग्लेयात राष्ट्रिय स्वतन्त्र पार्टीं तनहुँ १ पाखे उपनिर्वाचनय् प्रतिस्पर्धा यायेत प्रस्ताव याःगु दु।

Categorized in राष्ट्रिय