नेपाली कांग्रेसया डा. शेखर कोइराला समूह सरकारय् थःगु पक्षया सहभागिता सम्मानजनक मजूसा मन्त्री जुइपिनिगु नां मबिइगु जुइ धका धाःगु दु।

सत्ता गठबन्धनपाखे कांग्रेसयात च्यागु मन्त्रालय बिइगु जुगु दु। सभापति शेरबहादुर देउवां शेखर समूहयात निम्ह मन्त्री जुइपिनिगु नां बिइत धाःगु दु। शेखर समूह न थुगु प्रस्ताव स्वीकार्य जुइमखु धका धाःगु दु।

शुक्रबाः सुथय् च्वंगु डा. शेखर कोइराला व वयकःया समूह पदाधिकारीपिनिगु बैठकं सम्मान जनक सहभागिता मबिल धाःसा मन्त्री जुइपिनिगु नां मबिइगु निर्णय याःगु दु। ‘थ्व खँ जिमिसं सभापतियात धाये धुकंगु दु, प्रधानमन्त्री प्रचण्डयात धयागु दु’, सहमहामन्त्री जीवन परियारं अथे धाःगु दु।

Categorized in राजनीति