इन्डियन प्रिमियर लिग (आईपीएल) क्रिकेटय् लखनउ सुपर जायन्ट्सं दिल्ली क्यापिटल्सयात ५० रनं बूकुगु दु। घरेलु मैदान लखनउय् जूगु कासाय् दिल्लीयात बूकुगु खः।

लखनउ न बिःगु १ सय ९४ रनया लक्ष्य ज्वना म्हितूगु दिल्लीं २० ओभरय् ९ विकेट गुमे याना १ सय ४३ रन जक दयकेफुगु खः। दिल्लीया कप्तान डेविड वार्नरं दकलय् अप्पो ५६ रन दयकूगु खः। लखनउया मार्क उडं न्यागु व आवेस खान, रवि बिष्नोई न निगु निगु विकेट काःगु खः।

टस बूया न्हापां ब्याटिङ याःगु लखनउं २० ओभरय् खुगु विकेट गुमे याना १ सय ९३ रन दयकूगु खः। लखनउया कायल मेयर्सं ७३ रन दयकूगु खः। दिल्लीया खलिल अहमद व चेतन साकरियां निगु निगु व अक्षर पटेल, कुलदीप यादवं छगु छगु विकेट काःगु खः। थुगु कासालिपा लखनउया २ अंक जूग्ु दु।

Categorized in कासा