इन्डियन प्रिमियर लिग (आईपीएल) क्रिकेटय् कोलकता नाईट राईडर्सं रोयल च्यालेन्जर्स बेंग्लोरयात ८१ रनं बूकुगु दु। वंगु चान्ह्यः इडेन गार्डेनय् जूगु कासाय् कोलकतां बिःगु २ सय ५ रनया लक्ष्य बेंग्लोरं १७ ओभर ४ बलय् १ सय २३ रन जक दयकूगु खः।

बेंग्लोरया कप्तान फाफ डु प्लेसिसं दकलय् अप्पो २३ व विराट कोहलीं २१ रन दयकूगु खः। कोलकताया वरुण चक्रवर्ती ४, सुयश शर्मां ३ व सुनिल नारेनं २ विकेट काःगु खः।

घरेलु मैदानय् टस बूया न्हापां ब्याटिङ याःगु कोलकतां २० ओभरय् ७ विकेट गुमे याना २ सय ४ रन दयकूगु खः। कोलकताया शार्दुल ठाकुरं सर्वाधिक ६८ रन व रहमानुल्लाह गुर्वाजं ५७ रन दयकूगु खः।

आईपीएल क्रिकेटय् गुर्वाजया थ्व हे न्हापागु अर्धशतक खः। अथेहे रिंकु सिंहं ४६ रन दयकूगु खः। बेंग्लोरया डेबिड बिल्ली व कर्ण शर्मां निगु निगु व मोहम्मद सिराज, हर्षल पटेल, माईकल ब्रेसवेलपिन्स छगु छगु विकेट काःगु खः।

Categorized in कासा