नेपाल उद्योग वाणिज्य महासङ्घया एशोसिएटपाखे उपाध्यक्षय् ज्योत्सना श्रेष्ठ विजयी जूगु दु। श्रेष्ठ रामचन्द्र सङ्घाई प्यानल हे विजयी जूगु दु।

श्रेष्ठं प्रतिस्पर्धी भरतराज आचार्ययात ६५ मतं पराजित याःगु दु। कुल १ हजार ६ सय ५० मत कुहावंगुलि श्रेष्ठं ८ सय ४६ व आचार्यं ७ सय ८१ मत काःगु दु धका निर्वाचन समितिं धाःगु दु। जिल्ला नगर उपाध्यक्षय विजयी वैघं ४३ मत हःगु खः।वयकःया प्रतिस्पर्धी दिनेश श्रेष्ठं ३४ व अरुणराज सुमार्गी न ३७ मत हःगु खः। वैद्य रामचन्द्र सङ्घाई पक्षया खः।

अथेहे, वस्तुगत उपाध्यक्षय् विजयी ढकालं ६१ मत हःगु खः। वयकःया निकटतम् प्रतिस्पर्धी मनिषलाल प्रधानं ५२ व शकुन्तलाल हिराचनं ७ मत काःगु दु धका निर्वाचन समितिं धाःगु दु। ढकाल उमेशलाल श्रेष्ठ समूहयाम्ह खः। वरिष्ठ उपाध्यक्ष पदया मतगणना धाःसा सुरु जुगु मदुनि। वरिष्ठ उपाध्यक्षय् उमेशलाल श्रेष्ठ, रामचन्द्र सङ्घाई व अञ्जन श्रेष्ठ प्यानलनाप प्रतिस्पर्धाय् दु।

महासङ्घया विधान कथं वरिष्ठ उपाध्यक्ष स्वतः अध्यक्ष जुइगु व्यवस्था दु । थुगु व्यवस्था कथं आः वरिष्ठ उपाध्यक्ष चन्द्रप्रसाद ढकाल स्वतः अध्यक्ष जुइ।

Categorized in राष्ट्रिय