शेयर बजाः थौं भचाः थहावंगु दु। शेयर बजाः परिसूचक नेप्से थौं २ दशमलव ७१ अङ्कं थहावना १ हजार ८ सय ८८ दशमलव ३२ विन्दुइ थ्यःगु दु।

बैंक, होटल नाप पर्यटन, लगानी व निर्जीवन बीमा समूह बाहेकया समूह शेयर थहावंगु दु सा जीवन बीमा, उत्पादन व विकास बैंक समूहया शेयर दोहोरो अङ्कं थहावंगु दु।

बजाः सामान्य थहावंगु दु सा कारोबार रकम धाःसा म्हो जूगु दु। थौं २ सय ७० गु कम्पनीया २२ लाख ६० हजार कित्ता शेयर ७५ करोड १३ लाख रुपैयाँ कारोबार जूगु दु। म्हिगः आइतवाः ८२ करोड ८५ लाख रुपैयाँया कारोबार जूगु दु ।

दकलय् अप्पो थौं कालिञ्चोक दर्शन लिमिटेडया ८ करोड ८१ लाख रुपैयाँ बराबरया शेयर किनबेच जूगु दु। पिपुल्स पावर लिमिटेडया शेयर ८ प्रतिशत स्वया अप्पो थहावःगु दु। समग्र बजाः थहावंसा कालिञ्चोक दर्शन लिमिटेडया शेयर ९ प्रतिशत स्वया अप्पो कुहावंगु दु।

Categorized in राष्ट्रिय