२०८१ आषाढ ५, बुधबार

रास्वपा नं सरकारयात बियातःगु समर्थन लितकायेगु संकेत क्यन

सृजनमान श्रेष्ठ | तछलाथ्व पंचमी ११४३, बैसाख १२ मंगलवाः

राष्ट्रिय स्वतन्त्र पार्टीया सभापति रवि लामिछाने न सरकारयात बियातइगु समर्थन लितकायेगु संकेत क्यःगु दु।

चितवन–२ या उपनिर्वाचनय् त्याइगु निश्चित जुइवं थःगु प्रतिक्रिया बिइगु झ्वलय् सभापति लामिछाने न सरकारयात बियातइगु समर्थन कायम यायेमाःगु छु न कारण मदु धका धाःगु दु।

‘सरकारयात बियातइगु समर्थनबारे समीक्षा जुइ। उकियात कायम यायेमाःगु कारण खनाच्वंगु मखं,’ सभापति लामिछाने न धाःगु दु, ‘सरकारय् वनेगु सम्भावना हे मदु।’ सभापति लामिछाने न सरकारया ज्याय् थःगु पार्टी सन्तुष्ट जुगु मदु धका धासे आः अस्थिरता मयासे गलतयात ज्वना च्वने फइमखु।

अय्न येँ थ्यने धुका समीक्षा याना सरकार नाप सहलह याना वार्ता यायेगु जुइ धका धाःगु दु। न्हुगु सरकारया तयारीबारे न राजनीतिक सहलह यायेगु जुइ धका धाःगु दु।

Categorized in राजनीति