इन्डियन प्रिमियर लिग (आईपीएल) क्रिकेटय् चेन्नई सुपर किङ्सयात ३२ रनं बूका राजस्थान रोयल्स अङ्कतालिकाय् शीर्षस्थानय् थ्यःगु दु।

राजस्थानया घरेलु मैदान जयपुरय् वंगु चान्ह्यः जूगु कासाय् चेन्नई यात ३२ रनं पराजित यागु खः। राजस्थानं बिःगु २ सय ३ रनया लक्ष्य चेन्नइ न निर्धारित २० ओभरय् ६ विकेटय् १ सय ७० रन दयकूगु खः।

चेन्नईया शिवम् दुवें दकलय् अप्पो ५२ रन व ऋतुराज गायकवाडं ४७ रनय् आउट जूगु खः। राजस्थानया एडम जाम्पां स्वंगु विकेट, रविचन्द्रन अश्विनं निगु विकेट व २ कुलदीप यादवं छगू विकेट काःगु खः।

टस त्याना न्हापां ब्याटिङ याःगु राजस्थानं निर्धारित २० ओभरय् ५ विकेटय् २ सय २ रन दयकूगु खः । राजस्थानया यशस्वी जयसवालं दकलय् अप्पो ७७ रनया अर्धशतकीय म्हितूगु खः। ध्रुव जुरेलं ३४ व जोस बटलरं २७ रन दयकूगु खः।

चेन्नईया तुसारदेश पान्डें निगु विकेट, रविन्द्र जडेजा व महेश थिक्सनां छगू छगू विकेट काःगु खः।

थुगु कासालिपा राजस्थान च्याःगु कासाय् १० अङ्क जुगु दु सा चेन्नई न १० अङ्क जुगु दु।

Categorized in कासा