चिकित्सक, स्वास्थ्यकर्मी व पत्रकारलिसें २२म्ह छगू हे दबुलिइ सम्मानित जूगु दु ।

स्वास्थ्य क्षेत्रय् बियावःगु योगदानया कदर यासें स्वास्थ्य दर्पण राष्ट्रिय हेल्थ अवार्ड २०८० लिसें २२म्हेसित सम्मान याःगु खः ।

अवार्डं गण्डकी प्रदेशया फिजिसियन डाक्टर सरोज पोखरेल, वरिष्ठ स्त्री, प्रसूति तथा निसन्तानपन रोग विशेषज्ञ डा. गिरधारी शर्मा पंगेनी, जनरल तथा ल्याप्रोस्कोपिक सर्जन डा. आनन्द भट्टराई सम्मानित जुल । कोशी प्रदेशं वरिष्ठ मुटु रोग विशेषज्ञ प्रा.डा. राजेश नेपाल, मधेश प्रदेशं मुटु शल्य चिकित्सक डा. महमद अफ्रोज अन्सारी व फिजिसियन डा. रामप्रताप शाहयात सम्मान याःगु खः।

वागमती प्रदेशं अर्थोपेडिक सर्जन प्रा.डा. सुरेश पाण्डे, क्यान्सर रोग विशेषज्ञ डा. विश्वराम पौडेल, वरिष्ठ मुटुरोग विशेषज्ञ डा. ओममूर्ती अनिल, वरिष्ठ मिर्गौला रोग विशेषज्ञ प्रा.डा. दिव्यासिंह शाह, बाल शल्य चिकित्सक विशेषज्ञ प्रा.डा.रामनन्दन प्रसाद चौधरी व रेडियोलोजिस्ट डा. आनन्दप्रसाद श्रेष्ठयात सम्मान यात।

लुम्बिनी प्रदेशं सम्मानित जूपिंलय् वरिष्ठ मुटुरोग विशेषज्ञ डा. सचिन ढुंगेल, अथे हे, कर्णाली प्रदेशं जनरल तथा इमरजेन्सी मेडिसिन विशेषज्ञ डा. डम्बर खड्का व सुदूरपश्चिम प्रदेशं वरिष्ठ फिजिसियन व दमरोग विशेषज्ञ प्रा.डा. सुभेस राज कायस्थ सम्मानित जुल । न्हय्गुलिं प्रदेशपाखें राजेन्द्र प्रसाद खरेल, सन्तोष केसी र शंकर खरालयात नं अवार्ड ब्यूगु खः ।

सम्मानित जूपिं पत्रकारय् बुद्धिबहादुर केसी, अनीता श्रेष्ठ कमला गुरुङ र सुमन खत्री लाःगु दु । सम्मानित सकसित पूर्व उपप्रधानमन्त्री लिसें नेपाली कांग्रेसया नेता प्रकाशमान सिंहं सम्मान लःल्हानादिल ।

ज्याझ्वलय् स्वास्थ्य दर्पण मिडिया नेटवर्कया संरक्षक लिसें वरिष्ठ मृगौला रोग विशेषज्ञ डा. ऋषिकुमार काफ्ले, नेपाल चिकित्सक संघया नायः अनिलविक्रम कार्की, वरिष्ठ चिकित्सक प्रा.डा. दिव्यासिंह शाह, स्वास्थ्य दर्पण मिडिया नेटवर्कया नायः सन्दीपकुमार श्रेष्ठं चिकित्सा सेवा दुर्गम क्षेत्रतक प्रभावकारी ढंगं थ्यंकेत सरकारं विशेष योजना व ज्याझ्वःलिसें आकर्षक प्याकेज हय्माःगुलिइ बः बियादिल ।

Categorized in राष्ट्रिय