नवनियुक्त महिला, बालबालिका नाप ज्येष्ठ नागरिक मन्त्री सुरेन्द्रराज आचार्यं थौं आइतवाः पद व गोपनियताया शपथ काःगु दु।

नवनियुक्त मन्त्री आचार्ययात राष्ट्रपति रामचन्द्र पौडेलं राष्ट्रपति भवन शितल निवासय् जुगु छगु ज्याझ्वलय् शपथ याकूगु खः। महिला, बालबालिका नाप ज्येष्ठ नागरिक मन्त्रालय कःघाना वयाच्वंगु नेसपाया महिन्द्रराय यादवयात धाःसा आः खानेपानी मन्त्रालयया जिम्मा बिःगु दु।

नवनियुक्त मन्त्री आचार्य कपिलवस्तु क्षेत्र नम्बर २ पाखे विजयी जूम्ह खः। राष्ट्रपति रामचन्द्र पौडल निकट धयाच्वम्ह आचार्य थ्व स्वया न्ह्यने सिंचाइ राज्यमन्त्री जुइ धुकुम्ह खः।

Categorized in राष्ट्रिय