इन्डियन प्रिमियर लिग (आईपीएल) क्रिकेटय् गुजरात टाइटन्सं लखनउ सुपर जायन्ट्सयात ५६ रनं बूकुगु दु।

अहमदाबादय् गुजरातं बिःगु २ सय २८ रनया लक्ष्य लखनउ न ७ विकेटय् १ सय ७१ रन जक दयकूगु खः।

लखनउया लागि क्वीनटन डि ककं दकलय् अप्पो ७० व केल मेयर्स न ४८ रन दयकूगु खः। बलिङय् गुजरातया मोहित शर्मां प्यंगु विकेट काःगु खः । न्हापां ब्याटिङ याःगु गुजरातं शुभमन गिलं नटआउट ९४ रन दयकूगु खःसा ऋद्धिमान साहं ८१ रन दयकूगु खः।

न्हापागु दँय् व थुगु दँय् प्यंगु हे कासाय् गुजरातं लखनउयात बूकुगु खः। गुजरात ११ गु कासाय् १६ अङ्क नाप शीर्ष स्थानय् च्वना च्वंगु दु सा ११ अङ्कय् लखनउ स्वगूगु थासय् दु।

Categorized in कासा