इन्डियन प्रिमियर लिग (आईपीएल) क्रिकेटय् यशस्वी जयसवालं विष्फोटक ब्याटिङ यायेवं राजस्थान रोयल्सं सानदार बिजयी जुगु दु।

बिहीवाः चान्ह्यः जूगु कासाय् राजस्थानं कोलकाता नाइटराइडर्सयात गूगुं विकेट बूकुगु दु। राजस्थानं १५० रनया लक्ष्य १३.१ ओभरय् पूरा याःगु खः।

राजस्थानया यशस्वी जयसवालं नटआउट ९८ व सन्जु सामसनं ४८ रन दयकूगु खः। न्हापागु ओभरय् २६ रन दयकूगु खःसा यशस्वीं १३ बलय् अर्धशतक पूरा याःगु खः। आईपीएलय् थ्व हे दकलय् याकन अर्धशतक याःगु रेकर्ड जूगु दु। थ्व स्वया न्ह्यः केएल राहुलं १४ ओभरय् अर्धशतक दयकूगु रेकर्ड जुगु खः।

जस बट्लर शून्य रनय् आउट जुगु खःसा सन्जु सामसनं २९ बलय् ३ चौका व ५ छक्काया ग्वहालिं नटआउट ४८ रन दयकूगु खः।

न्हापां ब्याटिङ याःगु कोलकातां निर्धारित २० ओभरय् ८ विकेटया क्षतिइ १४९ रन दयकूगु खः। कोलकाताया लागि वेंकटेस ऐयरं दकलय् अप्पो ५७ रन दयकूगु खःसा नितिश राणां २२ रन दयकूगु खः। बलिङय् ट्रेन्ट बोल्टं निगु विकेट काःगु खः।

Categorized in कासा