इन्डियन प्रिमियर लिग (आईपीएल) क्रिकेटय् रोयल च्यालेन्जर्स बेङ्गलोरं राजस्थान रोयल्सयात १ सय १२ रनया अन्तरं बूकुगु दुु।

बेङ्गलोरं बिःगु १ सय ७२ रनया लक्ष्य ज्वना राजस्थान १० ओभर ३ बलय् ५९ रनय् हे अलआउट जूगु खः। राजस्थानया शिमरन हेटमायरं दकलय् अप्पो ३५ रन दयकूगु खःसा मेपि ब्याटरपिन्स धाःसा बालाक्क प्रदर्शन याये मफुगु खः।

राजस्थानया न्याम्ह कासामिपिन्स छगु रन न दयेमफुगु खः। बलिङपाखे बेङ्गलोरया वेन पार्नेलं स्वंगु विकेट, माइकल ब्रेसवेल व करन शर्मापिन्स निगु निगु विकेट काःगु खः।

जयपुरय् टस त्याका न्हापा ब्याटिङ याःगु बेङ्गलोरं निर्धारित २० ओभरय् न्यागु विकेटय् १ सय ७१ रन दयकूगु खः। बेङ्गलोरया फाफ डु प्लेसिसं ५५, ग्लेन म्याक्सवेलं ५४ व अनुज रावतं नटआउट २९ रन दयकूगु खः। बलिङय् राजस्थानया एडम जम्पा व केएम आसिफपिन्स निगु निगु विकेट काःगु खः।

थुगु कासालिपा बेङ्गलोर १२ गु कासाय् १२ अङ्क नाप धलखय् न्यागु थासय् थ्यःगु दु। बेङ्गलोरं प्लेअफ सम्भावना कायमै जुगु दु । १३ गु कासाय् १२ अङ्क नाप राजस्थान खुगु थासय् लागु दु।

Categorized in कासा