इन्डियन प्रिमियर लिग (आईपीएल) य् लखनउ सुपर जायन्ट्सं मुम्बइ इन्डियन्सयात न्यागु रनं रोमाञ्चक कथं त्याकूगु दु।

मंगलवाः चान्ह्यः जूगु कासाय् लखनउया घरेलु मैदान कना क्रिकेट स्टेडियमय् जूगु कासाय् लखउनं बिःगु १७८ रनया लक्ष्य मुम्बइ न १७२ रन जक दयकूगु खः। मुम्बइया लागि ओपनर इशन किसनं दकलय् अप्पो ३९ बलय् ५९ रन दयकूगु खःसा कप्तान रोहित शर्मा न ३७ रन व डेविडं अविजित ३२ रन दयकूगु खः।

लखनउया यश ठाकुर व रवी बिश्नोइपिन्स निगु निगु नाप मोहसिन खानं छगु विकेट काःगु खः।

टस बूया न्हापां ब्याटिङ याःगु लखनउ न स्टोइनिसया आक्रमक ब्याटिङय् स्वंगू विकेटय् १७७ रन दयकूगु खः । स्टोनइसं ४७ बलय् अविजित ८९ रन दयकूगु खः। अथेहे रिटार्ट हर्ट जुइ न्ह्यः कप्तान क्रुनल पाण्ड्यां ४९ रन व क्वेन्टन डे ककं १६ रन दयकूगु खः।

मुम्बइया जासोन बेहरनडोर्फ न निगु व पियुष चावलां छगू विकेट काःगु खः।

थुगु कासा लिपा १३ गु कासाय् १५ अंक जुया प्लेअफय् वनिइगु सम्भावना दुु सा मुम्बई १५ गु कासाय् १४ अंक जुगु दु। आः लिपागु कासा मुम्बई न त्याकल धाःसा प्लेअफ म्हित्य दइ।

Categorized in कासा