स्पानिस क्लब सेभिया व इटालियन क्लब रोमा युरोपा लिगया फाइनलय् थ्यःगु दु।

सेभियां इटलीया मेगु क्लब युभेन्ट्सयात नाप रोमां जर्मन क्लब बायर लेभरकुजनयात सेमिफाइनलय् बूकां उपाधिया निति थःगु थाय् पक्का याःगु खः। वंगु चान्ह्यः जुगु निगुगु लेग कासाय् सेभियां युभेन्ट्सयात २–१ गोल बूका समग्र कासा ३–२ न त्याकूगु खः । न्हापागु लेग निगु टिमया दथुइ १–१ य् क्वचाःगु खः।

रोमां न्हापागु लेगय् १–० गोलं त्याकुगु खः। निगुगु लेग गोलरहित बराबरी जुइवं रोमा समग्र कासा १–० गोलं त्यागु खः। आः सेभिया व रोमा दथुइ फाइनल कासा थ्व हे मे ३१ य् हंगेरीया बुढापेस्टया पुस्कास स्टेडियमय् जुइगु दु।

Categorized in कासा